მ/წლის 2 ოქტომბერს, ბილტმორი სასტუმრო თბილისში გაიმართა კონფერენცია თემით:,,სტანდარტების შემუშავება და დანერგვა ტურიზმის სექტორში“ ამ სფეროში მოქმედი სხვადასხვა ორგანიზაციების წარმომადგენლებისთვის. კონფერენცია საქართველოს სტანდარტებისა და მეტროლოგიის ეროვნული სააგენტოს დირექტორმა დავით ტყემალაძემ და ლატვიის სტანდარტების ორგანოს ხელმძღვანელმა ინგარს პილმანისმა გახსნეს.
კონფერენცია ჩატარდა ლატვიის საგარეო საქმეთა სამინისტროს, ეროვნულ სააგენტოსა და ლატვიის სტანდარტიზაციის ეროვნულ ორგანოს (LVS) შორის არსებული პროექტის "Standardization as a support for hotels and tourist accommodation service quality improvement and economic development of the Georgian tourism industry" ფარგლებში.
კონფერენციაზე განხილული იქნა საქართველოში ტურიზმის ინფრასტრუქტურისა და მომსახურების სისტემის გაუმჯობესების საკითხები, აგრეთვე ტურიზმის სფეროში არსებული მდგომარეობა და მიმიდნარე აქტოვობები. პრეზენტაციებით წარსდგნენ წარმომადგენლები საქართველოს ტურიზმის ეროვნული ადმინისტრაციიდან, საქართველოს ტურიზმის ასოციაციიდან, საქართველოს სასტუმროების, რესტორნებისა და კაფეების ფედერაციიდან. აგრეთვე ტურიზმის სფეროში გასატარებელი ღონისძიებების თაობაზე კონკრეტული რეკომენდაციებით წარსდგნენ საერთაშორისო გამოცდილების მქონე ლატვიის სასტუმროებისა და რესტორნების ასოციაციის წარმომადგენლები. კონფერენციის მიზანია დაეხმაროს საქართველოს ტურიზმის სექტორში სტანდარტების დანერგვაში.