საქართველოს კანონის „პროდუქტის უსაფრთხოებისა და თავისუფალი მიმოქცევის კოდექსისა“ და საქართველოს ეკონომიკისა და მდგრადი განვითარების მინისტრის 2012 წლის 10 სექტემბრის №1-1/1740 ბრძანების „სტანდარტიზაციის ტექნიკური კომიტეტის შექმნის პროცედურისა და ფუნქციონირების წესის დამტკიცების შესახებ“ შესაბამისად, სააგენტოში იქმნება სტანდარტიზაციის ტექნიკური კომიტეტი “გარემოს დაცვის” სფეროში.
ტექნიკური კომიტეტის ძირითად საქმიანობას წარმოადგენს საქართველოს სტანდარტების პროექტების შემუშავება ან/და განხილვა, დასკვნებისა და რეკომენდაციების მომზადება (კომიტეტის წევრი საქმიანობას ახორციელებს ნებაყოფლობით საწყისებზე, ანაზღაურების გარეშე).
კომიტეტის საქმიანობაში მონაწილეობისათვის, შესაბამის სფეროში გამოცდილების მქონე პირმა მიმდინარე წლის 8 ნოემბრის ჩათვლით უნდა გამოაგზავნოს განაცხადი სააგენტოს ელფოსტაზე info@geostm.ge შემდეგი ინფორმაციის მითითებით: სახელი, გვარი, სამუშაო ადგილის/ორგანიზაციის დასახელება, საკონტაქტო ტელეფონის ნომერი და ელფოსტის მისამართი.
დამატებითი ინფორმაციისათვის
ტელეფონი: (+995) 32 261 35 00
ელფოსტა: info@geostm.ge
მისამართი: ქ. თბილისი, 0178, ჩარგლის ქუჩა #67.